УХМР ги измери температурите во 11 часот, а мерните единици покажаа над 30 степени.
Најтопло е во Скопје-Зајчев Рид, Велес, Штип, Гевгелија, со 32 степени. 31 степени се измерени во Кавадарци и Демир Капија, како и Скопје- Петровец.
Најниска температура во 11 часот е измерена на Попова Шапка 20 степени.
Топлото време продолжува и денеска, со температури до 39 степени. Времето ќе биде сончево со мала до умерена локална облачност и слаб до умерен ветер од источен правец. Температурата ќе се движи од 14 до 39 Целзиусови степени.
Во Скопје се очекуваат температури од 21 до 38 степени.
Од утре попладне, под влијание на циклонска активност, се најавува промена на времето со повремени врнежи од дожд, грмежи и засилен ветер. Локално се можни невреме, пороен дожд, град и силни електрични празнења. Од четврток ќе дува засилен северен ветер, особено долж Повардарието, каде повремено ќе достигнува над 50 километри на час.