Фотографиите на кои пејачката Шакира го напушта хотелот во Лос Анџелес со актерот Мануел Гарсија-Рулфо предизвикаа гласини за нивната романса.
Според странските медиуми, Шакира и актерот Мануел Гарсија-Рулфо биле видени како го напуштаат хотелот заедно среде ноќ.
Фотографиите се објавени од добро познат папарацо профил. На нив се гледа како двајцата заедно го напуштаат хотелот „Сансет Тауер“. На фотографиите, Шакира изгледа опуштено и расположено додека разговара со Мануел на излегување. Двајцата се насмевнуваа и заедно влегоа во автомобилот.
На една од фотографиите се гледа како седат во автомобил, Шакира на совозачкото седиште, додека Мануел вози.
Колумбиската пејачка моментално настапува на својата светска турнеја „Las Mujeres Ya No Lloran“, а фотографиите се направени за време на паузата помеѓу концертите во Лос Анџелес.
Мануел Гарсија-Рулфо е мексикански актер, најпознат по улогата на Мики Халер во серијата „Адвокатот на Линколн“.