Папата смета дека во Украина се води светска војна која нема брзо да заврши

Папата Франциск изрази уверување дека конфликтот во Украина е светска војна и дека нема наскоро да заврши.

„По третпат претседателот на Украина, Володимир Зеленски, ми испраќа еден од своите советници за верски прашања. Во контакт сме, прифаќам, помагам“ – рече папата Франциск во интервју за шпанскиот весник „ABC“, а пренесува Танјуг.

Поглаварот на Римокатоличката црква изјави дека не гледа крај на конфликтот во Украина во догледна иднина, бидејќи, според него, тоа е светска војна.

„Неколку страни веќе се вклучени во војната. Има голем интерес“ – рече папата.