Познат ресторан во центарот на Златибор утрово беше зафатен од голем пожар, при што огромни пламени и густ чад се проширија низ централното подрачје на планината.
Противпожарните екипи веднаш беа упатени на местото на настанот за да се справат со огнената стихија.
Пламените се огромни, зградата е претежно направена од дрво и пожарот се шири брзо. Се надеваме дека пожарот ќе биде локализиран пред да се прошири на соседните згради – вели еден од очевидците за РИНА.
Засега ги нема официјалните причини за избувнувањето на пожарот, а според првичните информации нема податоци за повредени лица.