Специјализираните совети на Косово во Хаг денеска, среда, 16 септември, ја донесоа првостепената пресуда против поранешниот претседател и водач на ОВК, Хашим Тачи, и неговите соработници Кадри Весељи, Реџеп Селими и Јакуп Красниќи, кои беа обвинети за воени злосторства и злосторства против човештвото извршени од март 1998 до септември 1999 година во Косово и северна Албанија. Обвинетите во текот на целиот процес ги негираа обвинувањата и се изјаснија за невини.
Судот го прогласи Хашим Тачи за виновен по точка три за незаконско или произволно апсење и лишување од слобода како воено злосторство, за сурово постапување, по точка 7 за тортура и по точка 9 за убиство како воено злосторство, за што му беше изречена казна од 25 години затвор, објави 4news.mk.
Јакуп Красниќи исто така беше осуден на единствена казна затвор од 25 години. Кадри Весељи доби единствена казна од 18 години, додека Реџеп Селими беше осуден на 13 години затвор, при што во овие казни е вклучено и времето поминато во притвор.
Четворицата поранешни високи воени и политички водачи на ОВК по завршувањето на конфликтот заземаа високи државни функции во косовските институции.