Општина Илинден за првпат воведува финансиска субвенција во висина од 3.000 денари за секое запишано прваче, како помош за семејствата пред почетокот на новата учебна година.
Градоначалникот Александар Георгиевски соопшти дека покрај паричната поддршка, за најмалите ученици се обезбедени и бесплатни ранци со училишен прибор.
„Имајќи ги во предвид зголемените трошоци кои ги имаат семејствата во овој период од годината, како општина за првпат ќе даваме субвенција за да им помогнеме во пресрет на почетокот на учебната година. Паралелно со финансиската помош, продолжуваме со веќе воспоставената пракса каде како општина обезбедивме ранци со училишен прибор за првачињата. Родителите или старателите кои сакаат да го остварат ова право потребно е да поднесат барање со соодветната документација преку Архивата на Општина Илинден“, изјави Георгиевски.
За остварување на ова право, граѓаните треба да ја достават потребната документација преку општинската архива.