Во интерес на точно и објективно информирање на јавноста, Општина Чаир појаснува дека постапките за јавни набавки за проектите „Реконструкција на водоводен систем и фекална канализација во населба Саат Кула – Општина Чаир“, „Реконструкција на водоводен систем и фекална канализација во населба Дижонска – Општина Чаир“ и „Изградба на училишен затворен спортски базен за ООУ „7 Март“ се спроведени согласно одредбите од Законот за јавни набавки, преку Електронскиот систем за јавни набавки, со почитување на принципите на законитост, транспарентност, еднаков третман и обезбедување конкуренција меѓу економските оператори.
Во рамки на постапките биле доставени и евалуирани понуди од заинтересирани економски оператори, при што Комисијата за јавни набавки извршила детален преглед и оцена на исполнетоста на условите за учество, критериумите за избор и техничките спецификации утврдени во тендерската документација и објавените огласи.
По завршувањето на евалуацијата е утврдено дека избраните економски оператори доставиле понуди кои во целост ги исполнуваат предвидените услови и критериуми, како и барањата од тендерската документација. Дополнително, понудените цени се во рамки на обезбедените финансиски средства, согласно донесените одлуки за јавни набавки.
Финансиските средства за реализација на инфраструктурните проекти за реконструкција на водоводната и канализационата мрежа во населбите Саат Кула и Дижонска се обезбедени преку договори за користење капитални дотации наменети за единиците на локалната самоуправа, склучени помеѓу Општина Чаир, Министерството за животна средина и просторно планирање и Министерството за образование и наука.
Општината посочува дека согласно Законот за јавните набавки, договорниот орган нема законска основа да го зема предвид времето на основање на економскиот оператор како критериум при утврдување на неговата способност за учество во постапките. Способноста се оценува врз основа на техничка и професионална способност, финансиска состојба и други законски утврдени критериуми, а не врз основа на времетраењето на постоењето на фирмата.
Исто така, Општина Чаир врши реконструкција на водоводната мрежа, канализацијата за отпадни води и атмосферската канализација во населбата Саат Кула на следните улици: Ремзи Хоџа (Чаирска), Петре Георгиев, Мимар Синан (372), Васил Аџаларски, 157, 397, Конгреси и Манастирит (374) и Отокар Кершовани.
Во населбата Дижонска се изведуваат работи на реконструкција на водоводната и канализационата мрежа на улиците: 22 Ноември (Дижонска), Ѓорѓи Томовски, Елена Ѓика (Јосиф Штурна), Имри Елези (Божин Стијков), Луигј Гуракуќи (Љубе Стоилковиќ), Халим Халимиќ, Браќа Реџепагиќ, Ферид Заири и Кемал Сејфула.