Во Скопје денеска ќе бидат презентирани резултатите од истражувањето „Disrupting Harm“, кое за првпат нуди сеопфатен увид во природата и обемот на сексуалната експлоатација и злоупотреба на деца овозможена преку технологијата во Северна Македонија.
Истражувањето е дел од меѓународната програма „Disrupting Harm“, финансирана од Safe Online, а реализирана од ECPAT International, INTERPOL и Истражувачката и предвидувачка канцеларија на УНИЦЕФ – Innocenti, во соработка со национални институции и организации.
Во извештајот се опфатени искуствата и ставовите на децата и родителите, но и на професионалци од правосудството, органите за спроведување на законот и службите кои работат со деца и семејства.
Наодите и препораките од истражувањето треба да придонесат за унапредување на политиките и за подобра координација меѓу институциите во заштитата на децата од сексуална експлоатација и злоупотреба на интернет.