Градоначалникот на Град Скопје, Орце Ѓорѓиевски, вечерва ги соопшти имињата на новите вршители на должноста директор на четири јавни претпријатија под надлежност на Градот.
Назначувањата следуваат по промените во градската администрација по доаѓањето на Ѓорѓиевски на функцијата.
Имињата на новите директори се:
- ЈП „Улици и патишта“: Борис Настов. Тој претходно ја извршуваше истата функција на почетокот на мандатот на поранешната градоначалничка Данела Арсовска.
- ЈП „Водовод и канализација“: Иван Митровски, досегашен заменик-градоначалник на Општина Кисела Вода.
- ЈСП Скопје: Саше. Ѓорѓиевски истакна дека тој работи долги години во претпријатието, „има искуство и ги разбира процесите“.
- ЈП „Комунална хигиена“: Драги, кој „исклучително добро се покажа изминатиот период за време на акцијата 72 часа“ и е човек кој долги години работел во комуналниот сектор во Град Скопје.
Во изјавата за емисијата „Само интервју“ на Канал 5, градоначалникот Ѓорѓиевски негираше дека некогаш кажал дека ќе ги приватизира јавните претпријатија.
Напротив, тој најави дека ќе работи на зајакнување на капацитетите на јавните претпријатија со цел да станат самоодржливи.
Во однос на услугите за граѓаните, Ѓорѓиевски беше дециден: „Сметките за граѓаните, како што кажа, нема да поскапат. – Така сум ветил во кампањата“, рече Ѓорѓиевски.