Премиерот Христијан Мицкоски денеска ќе присуствува на свеченото поставување камен-темелник за доградба на Основното општинско училиште „Димитар Беровски“ во населбата Хром, во Општина Ѓорче Петров.
Со реализацијата на проектот ќе бидат изградени осум нови училници и дополнителни просторни капацитети, со што ќе се создадат подобри услови за настава за околу 240 ученици.
Доградбата е дел од напорите за унапредување на образовната инфраструктура и зголемување на капацитетите на училиштето, со цел учениците да добијат поквалитетни услови за образование.