Директорот на Фондот за здравствено осигурување, Сашо Клековски, денеска ќе одржи прес-конференција во Владата, на која ќе даде дополнителни информации за неодамнешното проширување на Позитивната листа на лекови.
Целта на обраќањето е да се разјаснат прашањата и недоумиците што се појавија околу практичната примена на новите решенија, како и да се објаснат придобивките од измените.
Од Фондот за здравствено осигурување информираат дека по завршувањето на презентацијата ќе биде организирана сесија со новинарски прашања, на која директорот ќе одговара на сите теми поврзани со проширената Позитивна листа на лекови.