Додека граѓаните стравуваат од нови сметки за струја, бизнис-мрежата поврзана со власта тежи нови милиони, обвинија денеска од опозициската СДСМ преку прес-конференција што ја одржа Маја Серафимовска-Борозан.
Според партиските наводи, српската компанија „METER&CONTROL“, која во свопственичката историја се поврзува со „Rudnap Group“, е избрана за носител на договор вреден 13,2 милиони евра од ЕВН Македонија за набавка на броила за електрична енергија. Од СДСМ тврдат дека клучни линкови се министерката за енергетика, Сања Божиновска, која во минатото раководела со компании од истата групација, како и почесниот конзул Душан Адамовиќ.
Од опозицијата нагласуваат дека мрежата се протега од Регулаторната комисија, РЕК и Развојната банка, па сè до офшор-структури на Кипар поврзани со Војин Лазаревиќ.