Британскиот принц Ендру се најде во центарот на нов скандал откако „Би-Би-Си“, повикувајќи се на поранешни државни службеници, објави дека тој наплатувал услуги за масажа на сметка на даночните обврзници.
Тврдењата се однесуваат на периодот од 2001 до 2011 година, додека тој ја извршувал функцијата специјален трговски претставник на Велика Британија. Според изворите, овие трошоци биле прикривани како дел од неговите службени патувања низ светот.
Еден од службениците открива дека првично одбил да ги потпише овие сметки, сметајќи ги за чист луксуз, но неговата одлука подоцна била експресно поништена, а парите исплатени од државната каса. Покрај масажите, под лупа се и неговите вртоглави трошоци за приватни летови и луксузни хотели.