Премиерот Христијан Мицкоски денеска ќе присуствува на презентацијата на најновиот извештај на Светска банка, насловен „Македонија: Излез од стапицата на среден доход“, при што е предвидено и негово обраќање.
Во извештајот се анализираат клучните економски предизвици и можностите за забрзување на растот, со фокус на реформите, подобрувањето на управувањето и конкурентноста, зголемувањето на инвестициите, развојот на технологијата и иновациите, како и подоброто искористување на човечкиот потенцијал.
Документот вчера беше претставен и пред пратениците во Собранието.