Град Скопје, во соработка со Општина Кисела Вода, спроведува редовно третирање против комарци. Ова доцна синоќа на својот Фејсбук го објави градоначалничката на Општина Кисела Вода, Бети Стаменкоска Трајкоска.
-Со специјализирани возила активно дејствуваме против возрасните комарци низ сите критични подрачја во општината. Акцијата која започна во 22:00 часот ќе трае сè додека не бидат целосно опфатени сите локации, со цел заштита на граѓаните и справување со масовното размножување на комарците. Оваа интервенција е дел од нашите континуирани активности. Општина Кисела Вода досега реализираше 3 третмани против возрасни комарци и 1 акција за сузбивање на ларви, додека Град Скопје изврши вкупно 14 дезинсекции, напиша таа.
Градоначалничката додаде дека Општина Кисела Вода континуирано ја следи состојбата на терен и ќе продолжи да постапува во насока на зачувување на јавното здравје, дејствувајќи строго координирано и според препораките на надлежните институции.