Гугл изрази сочувство за жртвите од поплавите

Во знак на жалост поради жртвите од поплавите во БиХ и Србија, на почетната страница на националните домени .ba и .rs, Google постави знак на жалост, а сето ова поради успешната иницијатива на сите граѓани од регионот.

Оваа одлука на компанијата следеше откако огромен број на луѓе од целиот Балкан, но  и ширум светот испратија апел за помош за да се обидат да спасат колку што е можно повеќе животи.

Во текстот на пораката која беше пратена до компанијата е наведено дека е потребна нивната поддршка за катастрофалните поплави во кои илјадници луѓе останаа без своите домови.

Една од најсилните пораки во апелот до Google беше онаа дека граѓаните на БиХ, Србија и Хрватска за првпат после војната се соединети кон една цел - да преживеат.

На оваа иницијатива Google одговори позитивно и во знак на сочувство го постави знакот на жалост на локалните домени, каде можете директно да добиете информации за тоа каде да донирате средства за помош.

22.05.2014 - 11:48
 
 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега