Вистински хорор- посвојуваат деца поради надомест а потоа ги силуваат

Две девојки навидум среќно посвоени доживувале вистински хорор.

Тие со години биле силувани од биолошкиот син на нивниот посвоител. Тој денес се наоѓа на слобода, а неговите родители биле осудени за злоставување на малолетнички.

Бидејќи системот за вдомување во Босна и Херцеговина не е законски уреден, децата често завршуваат како жртви на злоставување, силување и изгладнување.

Двете девојки своите посвоители ги нарекувале мама и тато и изгледало дека се среќни. Меѓутоа, од 2003. до 2006. година биле силувани од биолошкиот син на посвоителите. Силувањата започнале кога едната имала 7, а другата 9 години.

Кога дознале што прави нивниот син, родителите го истепале и му кажале да не го повтори истото. Неговиот татко ги тепал и девојките, заканувајќи им се да не кажуваат на никој што се случило,пишува Dnevni Avaz. Момчето е денес полнолетно и се наоѓа на слобода.

Случајот завршил на суд откако бил откриен во училиштето на девојките. Постапката траела 6 години, а посвоителите минатата година биле осудени поради злоставување на малолетнички и добиле парична казна, додека судење за силувањето воопшто немало. Во тек е второстепена постапка.

По откривањето на случајот, Центарот за социјална работа го раскинал договорот со брачниот пар.