Вечерва сообраќајот во Скопје ќе се поремети - еве каде нема да се вози
Сообраќајот кај Соборниот храм вечер од 19 до 2 часот ќе биде пренасочен поради чествувањето на Христовото воскресение - Велигден.
По булеварот „Партизански одреди“ нема да се сообраќа на потегот од крстосницата со улицата „Франклин Рузвелт“ кај „Симпо“ до крстосницата со булеварот „ВМРО“ и зградата на Македонска пошта, додека по булеварот „Климент Охридски“ - од крстосницата со булеварот „Илинден“ кај Владата на Република Македонија до крстосницата со улицата „Димитрија Чуповски“ кај студентскиот дом „Кузман Јосифовски - Питу“.
Присуството на сообраќајната полиција ќе биде засилено поради големата посетеност на верските објекти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
