Верно куче чекало осум дена пред болница да се види со сопственикот

Еден бездомник од Бразил откако бил удрен од напаѓач со камен во главата се обратил до лекари, но поради дополнителни здравствени проблеми морал повеќе од една недела да остане во болница пред која целото тоа време го чекало неговото верно куче.

Лаури да Коста од бразилскиот град Пасо Фундо успеал да дојде до болницата откако бил удрен со камен во лицето, но лекарите утврдиле и дополнителни здравствени проблеми и тој морал итно да се оперира.

Кучето Секо останало на паркингот пред болницата се додека повторно не го видело Лаури, осум дена подоцна кога персоналот му одобрил да излезе еден час за средба со најдобриот пријател. Во меѓувреме и лекарите го забележале кучето и го хранеле. Бразилски медиуми тврдат дека Да Коста се уште е на лекување, а неговото верно куче се уште стои пред болницата во очекување на заедничка нова средба.