Лавров: Не е постигнат договор за Украина

САД и Русија не успеаја синоќа да постигнат договор за решавање на кризата во Украина, но рускиот министер за надворешни работи Сергеј Лавров рече дека разговорите со шефот на американската дипломатија Џон Кери биле конструктивни и оти ќе продолжат.

По четиричасовните разговори во Париз, Лавров рече дека сите страни ги претставиле своите планови за деескалација на кризата, но не се согласиле околу тоа ја предизвикало кризата.

Лавров истакна дека Русија смета оти федерална Украина би била клуч за пронаоѓање решение.

- Изразивме различни ставови за причините за украинската криза, рече шефот на руската дипломатија.

 

- Во секој случај, се согласивме дека е потребно да најдеме точки на договор на кои ќе постигнеме заеднички став за да кризата биде решена дипломатски, рече Сергеј Лавров. 

31.03.2014 - 08:59

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега