Народниот правобранител апелира: Да не се злоупотребуваат децата во партиско-политички цели

Народниот правобранител Иџет Мемети денескаво пресрет на кампањата за претседателските и предвремените парламентарни избори, упати апел до сите учесници во изборниот процес за неопходната потреба за водење сметка за најдобриот интерес на детето, да не се вклучуваат деца во изборните кампањи.

- Апелот го упатувам со цел да не се повторуваат случаите од минатите изборни циклуси во кои децата беа користени во политички настани, спотови и билборди. Исто така, потсетувам дека злоупотребата на децата за политички цели се смета за кршење на нивните слободи и права, а со тоа и прекршување на сите меѓународни и домашни правила за заштита на правата на детето, се вели во соопштението од народниот правобранител.

Мемети ги повикува и медиумите да се приклучат кон овој апел, со цел одбегнување на можните злоупотреби на децата за политички цели.