Безобразно го пустошеле Скопје - МВР ги улови скопјаните кои празнеа станови и куќи

Скопјаните С.А. (19), М.Д.(21), С.А.(35), И.К.(45), С.В.(34) и Р.Д.(19) си заработија кривични пријави за кражби извршени од 26 јули до 21 октомври минатата година, во општините Центар, Кисела Вода и Карпош.

Првите тројца се осомничени за седум кражби, С.В. и Р.Д. се товарат за „прикривање“, додека И.К. ќе одговара за „помагање“

-  Делата  ги извршувале на различни начини  и тоа  со помош на подесен алат и физичка сила насилно влегувале  внатре, извршувале претурање и пребарување и одземале разни вредни предмети: домашни иконостаси, бакарни, месингани и оловни предмети, плински боци, украсни предмети од народни носии, апарати за домаќинство и други предмети, со што се стекнале со противправна  имотна корист од околу  1.770.000 денари. Украдените предмети ги продавале по пониски цени, на нив познати лица како и во антикварница и отпади за пониски цени од реалните, стои во денешното соопштение на МВР.

Шестмината скопјани се веќе регистрирани сторители на  кривични дела од областа на имотните деликти.

16.03.2014 - 14:38

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега