Им приоѓал од зад грб и ги ограбувал - конечно фатен крадец од Скопје

33-годишниот Б.М. од Скопје си заработи кривична за “тешка кражба на дрзок начин“.

Пријавениот во период од 13.12. 2013 до 13.02.2014 година, на подрачје на Аеродром, во попладневните часови им приоѓал од зад грб на случајни минувачи и со употреба на физичка сила ги ограбувал. Во привиот случај украл женска чанта во која имало златно ланче, мобилен телефон, паричник со пари и други лични документи, а во вториот случај одзел мобилен телефон и паричник со пари и лични документи.

Притоа, по извршувањето на второто кривично дело пријавениот откако се качил во такси возило и се упатил кон Скопски Саем, од страна на единицата „Алфа“ бил пронајден и приведен каде го признал првоито, но го негирал второто дело.

На скопјанецот му се одредени 8 дена притвор.