Груевски: Решивме дологодишен проблем на професионалните војници

Со законот за професионалните војници е решен долгогодишен горлив проблем, истакна денеска македонскиот премиер Никола Груевски.

-Со овој закон решивме еден долгогодишен горлив проблем кој го наследивме од поранешната влада и од 2006 година немавме никакво решение за војниците кои што ќе навршат 35 години.Подоцна привремено на некој начин го решивме проблемот зголемувајќи го на 38, па на 45 години и сега конечно трајно го решивме со тоа што после 45 година се обезбедува вработување во државните институции за сите, истакна премерот Никола Груевски

Премиерот информираше дека извршниот комитет на ВМРО-ДПМНЕ донел одлука да и препорача на пратеничката група на ВМРО-ДПМНЕ во законот да бидат внесени и оние лица кои биле проефесионални војници и во меѓувреме им истекол договорот и кои до 31. декемви 2013 година немаат остварено вработување.

Според неформалните информации, со овој закон, во наредните 9 месеци ќе бидат згрижени околу 110 лица, односно ќе им биде понудено работно место во една од државните институции.