Вооружен напад во руска црква- убиени монахиња и верник

Најмалку две лица се убиени, а шест се ранети кога вооружен маж отворил оган врз верници во главната православна црква на рускиот источен остров Сахалин.

Во нападот се убиение една монахиња и верник. 

Напаѓачот, кој има околу 25 години, работел како чувар за една приватна фирма за обезбедување и засега се уште не е познат  мотивот за нападот .

Повеќето од повредените верници се застрелани во нозете и нивните животи не се во опасност. Истражните органи соопштија дека психијатри ќе разговараат со осомничениот и ќе се обидат да ја утврдат неговата психичка состојба.

Според информациите со кои располага полицијата  инцидентот не е поврзан со Зимските олимписки игри кои се одржуваат во Сочи.