Таксистите во Париз протестираат против зголемување на данок
Околу 5.000 такси возачи во Париз, денеска го запреа сообрќајот во знак на протест поради нелојалната конкуренција и зголемувањето на данокот на додадена вредност.
Протестот започна од двата париски аеродроми „Орли“ и „Роаси“, од каде таксистите со своите возила тргнаа кон францускиот главен град во операција на забавување на сообраќајот наречена „Полжав“.
Таксистите протестираат на повик на петте нивни синдикати против „нелојалната“ конкуренција на автомобилите за изнајмување со возач, како и против зголемувањето на ДДВ од седум на 10 отсто, како и со барање за преговори за организирање на транспортот на болни.
Последица на нивниот протест е забавен сообраќај на пристапите и на кружниот автопат околку Париз и во самиот град.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
