Орбан: Унгарија нема да ја напушти ЕУ, ние ќе ја трансформираме
Унгарскиот премиер Виктор Орбан денеска ги отфрли обвинувањата на полскиот премиер Доналд Туск дека Унгарија се оддалечува од Европската Унија.
-Драг Доналд Туск, не се надевај премногу, рече Орбан на мрежата X, додавајќи: „Унгарија нема да ја напушти ЕУ. Заедно со европската политичка партија, ќе ја трансформираме и ќе ја вратиме во она што некогаш беше кога Полска и Унгарија ѝ се придружија.“
Туск претходно предупреди дека Орбан „отворено зборува за напуштање на Европската Унија“, велејќи дека претстојните избори за Европскиот парламент се одлучувачки за иднината на ЕУ.
-Вредеше да се добијат изборите само ако сонот на (Јарослав) Качински за „Будимпешта во Варшава“ никогаш не се оствари, додаде Туск, алудирајќи на блиските политички односи меѓу унгарската Фидес и поранешната владејачка партија во Полска „Закон и правда“ (ПиС).
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
