Неколку скопски села утре без струја
Корисниците од селата Кучевиште, Мирковци, Побожје, Бродец, Танушевци, Брест и Малино во општина Чучер Сандево утре од 9:00 до 15:30 часот ќе останат без напојување со електрична енергија.
Oд 8:30 до 15:30 часот, без струја ќе бидат и корисниците од населеното место Катланово, Катлановска Бања, сите индустриски објекти на автопат Скопје-Велес во близина на Катланово, Брезница, Градманци, Летевци во општина Петровец.
Во периодот од 9:00 до 15:00 часот, напојување со електрична енергија ќе немаат и корисниците од улицата „2“ во Долно Лисиче и околу Трафостаницата 3 во село Долно Лисиче во општина Аеродром.
Како што информираат од Регионалниот центар за управување со кризи на Град Скопје, причина за прекинот во снабдувањето со електрична енергија е изведувањето технички зафати во електро дистрибутивната мрежа од страна на екипи на ЕВН Македонија АД.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
