Повреден кондуктерот на патичкиот воз - детали од вчерашниот судар на возови кај Велес

Железничкиот сообраќај се уште е во прекин по синоќешниот судaр на товарен и патнички воз на пругата Скопје - Велес, но се работи на  нормализирање на сообраќајот, вели за МИА првиот човек на МЖ Транспорт а.д. Скопје Оливер Деркоски.

Во несреќата со мали повреди се здобил кондуктерот од патничкиот воз, кој е пренесен на скопските клиники. Согласно безбедносните процедури, на преглед е упатен и машиновозачот. Нема повредени патници и заситее организиран автобуски превоз до крајната дестинација.

Според Деркоски, двата воза се движеле еден зад друг кога дошло до судирот. Притоа од пругата излетал последниот товарен вагон, а уште три товарни вагони, како и патничката локомотива се малку изместени. Нема големи оштетувања и се работи на оспособување на пругата од страна ан МЖ Инфратсруктура.

Според првичните сознанија, причина за несреќата е човечки фактор, но треба да се почека на завршување на истрагата., вели Деркоски.