Ја влечел за јакната пред Македонски Пошти-2 - скопјанка преживеала хорор

Вистинска драма се одвивала утрово во 6 часот на улицата „Никола Карев“ бб, пред влезот на Македонски Пошти-2 кај Нова Железничка Станица.

Според податоците од полицијата, насилник ја влечел за капуљачата од јакната  51-годишната С.С. од Скопје, а потоа бил спречен  од страна на две лица вработени како обезбедување во Пошта 2.  Оштетената настанот веднаш го пријавила во полиција. При извршеното легитимирање констатирано е дека станува збор за 29-годишниот М.Б. од Скопје. Скопјанецот на полицијата и раскажал дека  бил под дејство на алкохол и за ништо не се сеќавал.

Кај жената била констатирана контузија на коленото.

Насилникот си заработи 30 дена притвор, а познат им е на полицајците како сторител и на други кривични дела.