Милионерка бара сопруг преку оглас

Милионерка  од  Саудиска Арабија објавила оглас во тамошен дневен весник во кој бара кандидат за нејзин сопруг.

 Оваа жена има 55 години и е мајка на 4 деца а себе си се нарекува „Фатун“. Нејзин главен услов е кандидатот да не се ожени со неа поради парите, а навела и дека нема да биде лоша кон него.

Исто така во огласот наведува дека би било добро кандидатот да не биде постар од неа, да биде паметен и образован. Сепак, во огласот не наведува никаков контакт. 

Ова е втора богаташка која бара маж преку оглас, пишува Emmirates 24/7. Пред две години, непозната 33 годишна жена исто така со помош на весниците барала добар сопруг и за него нудела 330 милиони долари.