Петров: СДСМ нема никаква врска со настанот во затворот Идризово, секој што прекршил мерки да биде казнет

Одговарајќи на новинарско прашање, подпреседателот на СДСМ рече дека партијата нема никаква поврзаност со случувањата во затворот „Идризово“, каде меѓудругото се гледаа и партиски обележја на СДСМ.

- Запознаени сме со тој случај, повторно кажувам дека нашата партија ниту иницира, ниту оправдува вакво однесување во било каква институција и повторно апелирам сите граѓани да ги почитуваат мерките, да држат дистанца, да носат маски, а оние кои што не ги почитуваат овие правила да бидат строго казнети.