Трипуновски: АД за Водостопанство под закрила на Трајан Димковски прави криминал и злоупотребува народни пари

АД за Водостопанство на Република Македонија под закрила на Трајан Димковски прави криминал и злоупотребува народни пари. Моментално се вршат работи на каналите за наводнување во Росоман, иако тендерската постапка не е завршена и нема одлука кој понудувач дал најповолна понуда и го добил тендерот, ова денеска преку изјава за медиумите го истакна дополнителниот министер за земјоделие Цветан Трипуновски.

-Иако постапката се уште трае на терен работите се во тек. Оттука се поставуваат логичните прашања:
1. Како АД Водостопанство и Димковски знаат која фирма ќе го добие тендерот?
2. Дали тендерот е однапред договорен, а јавниот повик е само про форма постапка?
Криминалот и неработата во Министерството за земјоделство наскоро ќе бидат минато, а тогаш ќе има одговорност за сите законски прекршувања што ги направи оваа власт.