СДСМ: ВМРО-ДПМНЕ сам си го трасира патот до пораз на изборите
Наместо, во време на сериозна криза да застане на страната на граѓаните и нивното здравје, ВМРО-ДПМНЕ и Христијан Мицкоски шират лажни вести и го користи моментот за партиска и лична промоција, велат во соопштение од СДСМ.
„Прво се потсмеваа со кризата, потоа лажеа и ги плашеа граѓаните дека здравствениот систем не е подготвен за кризата и дека има само 100 тестови за вирусот, а вистина е дека се направени илјадници тестови.
ВМРО-ДПМНЕ лажеше дека имало 140.000 граѓани кои останале без работа и неосновано ширеше паника. Вистина е дека без работен ангажман останале околу 8.000 вработени.
Со вакви лаги и деструктивно, неодговорно и несолидарно однесување ВМРО-ДПМНЕ сам си го трасира патот до пораз на изборите.
Граѓаните знаат дека СДСМ вистински и посветено се грижи за нивното здравје и за иднината на државата“ велат од СДСМ.
07.05.2020 - 09:44
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
