Чулев на средба со Невенка Стаменковска: Фер избори мора да има

Денес остварив работна средба со Невенка Стаменковска Стојковски, Дополнителен заменик министер во Министерство за информатичко општество и администрација.

На средбата разговаравме за спроведување на кампањата “Фер избори, пријави притисок” и нејзината имплементација во Министерството за внатрешни работи. Ги споделив моите заложби за доследно спроведување на активностите во рамки на институцијата со која раководам и за реализација на кампањата во целост.

Заеднички констатиравме дека притисокот врз вработените од сите сектори не е дозволив и истото треба да биде спречено и соодветно санкционирано.

Стаменковска – Стојковски потенцираше дека Министерството за информатичко општество и администрација интензивно презема активности за информирање и едукација, а ќе постапува и по сите пријави од страна на вработените во јавниот сектор, напиша на Фејсбук техничкиот министер во МВР, Наќе Чулев.