Камчев: Бојан ја користеше 1ТВ за да покаже колку е силен и да бара пари, му се закануваше и на уредникот

Орце Камчев рече дека Бојан Јовановски ја користеше 1ТВ за да ја покаже својата моќ и преку неа да рекетира. Ја креирал Инсајдер за да се заканува и да бара рекет, пренесува „21ТВ„.

„Покажуваше сила пред нас, во однос на неговата блискост со функционери. Го креираше Инсајдер, во мојата куќа ја гледаше репризата, како тоа го констурираше за одредени бизнисмени. Јас бев шокиран. Како го командуваше уредникот кај него кој денеска пишува колумни на портал, и уредничката негова кои беа главни за Инсајдер. Како треба и што треба за жртвите на Инсајдер да му платат пари.

Сум присуствувал на телефонски разговор како главниот уредник на телевизијата Кабранов како го малтретираше до ноќни часови, заедно со Сергеј Варошлија, на некоја програма од телефони два, каде му се закануваа по живот, и го правеа човекот да не спие со апчиња. Па да го праќа човекот да го пријавува во полиција, па тој да биде херојот дека го спасил. Тоа беше Бојан Јовановски и таа маша на телевизија негова. Одредени новинари му беа директен линк кого да мава и кого да напаѓа“, рече Камчев.