Заев: 3.000 денари месечно за сите млади во производна дејност
Воведуваме Младински додаток, 3.000 денари месечно, за сите млади во производна дејност! Ова денеска на Фејсбук го напиша премиерот Заев.
- 3.000 денари исплата на лична сметка на сите млади лица до 23 години со завршено најмалку средно образование и кои се во работен однос со социјално осигурување во производствена дејност, потоа на младите лица ангажирани кај работодавач од производствена дејност преку приватна агенција за вработување, како и на млади земјоделци со социјално осигурување. Поттикнуваме вработување на младите лица во производство по завршување на средното образование. Оваа мерка ги задоволува и потребите на работодавачите за квалификувана работна сила. Создаваме силна економија во која постои шанса за сите млади луѓе, вели тој.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа