Временска најава за викендов - Подгответе се за голема промена

Од УХМР најавуват дека времето ќе биде претежно облачно со повремени врнежи од дожд, поинтензивни претпладне во јужните и источните делови каде што попладне ќе завршуваат. Ќе дува засилен северен ветер кој ќе предизвика значително опаѓање на температурата.

Во Скопје, претежно облачно со умерен до повремено пороен дожд и со северен ветер кој краткотрајно ќе засилува. Утринската температура ќе се спушти до 11, а дневната ќе се искачи до 16 степени.

За време на викендот ќе преовладува променливо облачно и посвежо време. Нови врнежи ќе има во почетокот на наредната седмица.