Обвинителите од СЈО утрово дојдоа на работа - Станаа чувари на предметите

Обвинителите од СЈО и утрово пристигнаа на работа во зградата на Рузвелтова, иако вчера Советот на јавните обвинители реши да ги врати во матичните обвинителства.

Така и ќе биде во наредните неколку дена, бидејќи обвинителот Љубомир Јовески ги задолжил да ги чуваат предметите кои ги застапуваа пред суд, пренесе Фокус.

Републичкиот јавен обвинител Јовески набрзо ќе треба да одлучи за секој предмет поединечно, односно кое обвинителство е надлежно и кои обвинители ќе продолжат да ги застапуваат предметите пред суд.

Со одлуката вчера, Катица Јанева остана без работа.