Полицијата упадна во домот на скопјанец - падна дилер на дрога
Секторот за внатрешни работи Скопје - Единица за недозволена трговија, со кривична пријава до Основното јавно обвинителство Скопје го предаде 52-годишниот Ќ.Ј., поради постоење основи на сомнение дека сторил кривично дело „Неовластено производство и пуштање во промет наркотични дроги, психотропни супстанции и прекурзори“ предвидено и казниво по член 215 од КЗ на РМ. На лицето му е одредена мерка притвор во времетраење од 30 дена.
На 24.09.2018 година, од страна на полициски службеници од Единицата за недозволена трговија, по преземени мерки за извршено кривично дело неовластено производство и пуштање во промет наркотични дроги, извршен е претрес во дом лоциран на улица „Лазар Танев" во Скопје, сопственост на пријавениот, каде истиот престојува заедно со неговиот 28 годишен внук. При извршениот претрес пронајдени се 126 грама хероин, 47 грама кокаин и 470 грама мешавина од кофеин и парацетамол.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
