Ѕанакопулос: Договорот од Преспа е знак дека разликите веќе ги нема
Договорот од Преспа е од историски карактер, симбол на пријателството на народите и целосно ја менува сликата на Балканот, вели портпаролот на грчката Влада и министер без ресор Димитрис Ѕанакопулос во интервју за грчкото радио „247“.
Во врска со протестите кои ќе се одржат во Солун овој викенд Ѕанакопулос вели дека Владата ги слуша и ги почитува несогласувањата, реакциите, протестите, „но не постои никаква можност, под никакви околности да ги промени веќе донесените политички одлуки“.
- Мислам дека Договорот со поранешната југословенска Република Македонија е од историски карактер, симбол на пријателството на народите и за начинот на кој треба да се решаваат билатералните и меѓународните спорови. И мислам дека се повеќе луѓе, како што поминува времето, ја разбираат оваа посебност на Договорот, вели Ѕанакопулос.
- Веќе постојат доста политички сили и Река, но и доста пратеници од Движење на промена, кои имаат кажано дека ќе задржат позиција заснована на принципи. Според тоа, позитивно ќе гласаат за Договорот. И ова е за почитување. Па така, апсолутно немам никаква загриженост дека ќе успееме да имаме едно доста широко мнозинство во грчкиот Парламент за ратификација на Договорот со ПЈРМ, објаснува Ѕанакопулос во интервјуто за грчкото радио.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа