Полицијата во Куманово пишува по три казни на ден
На подрачјето на Секторот за внатрешни работи Куманово во првата половина од тековната година полициски службеници извршиле редовни и акциски контроли и контролирале вкупно 17.116 возила и возачи. За прекршокот возење без возачка дозвола во првата половина од 2018 година поднесени се вкупно 552 барања за поведување на прекршочна постапка, а 36 возачи платиле глоби за овој прекршок. Прекршителите најчесто управувале патнички моторни возила и моторцикли. Математиката вели дека просекот на казнување е тројца на ден.
Инаку, на подрачјето на секторот, во првите шест месеци се случиле 274 сообраќајни несреќи. Две лица го загубиле животот, седумнаесет се здобиле со тешки телесни повреди, 127 со повреди, а во толкав број сообраќајки имало материјална штета.
Најчести причини за настанување на сообраќајните незгоди во 59 случаи било првенство на минување во 31 случај страна на движењето во 20 растојание, 13 сообраќајки се случиле поради престигнување, по осум биле поради брзо возење и состојби на патот и во шест алкохолот бил причина за настанување на сообраќајни несреќи
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
