Дрвен крст висок два метри запален во Шведска

Синоќа во шведското гратче Јусне  бил пријавен случај на палење крст. Веднаш бил направен увид при што е констатирано дека дрвен крст од два метра  бил запален пред станбена зграда во која шведскиот Завод за миграции изнајмува неколку станови за бегалци и имигранти.

Полицијата веднаш поднела кривична пријава за поттикнување на расна и верска омраза против етничка група.

 „Засега немаме никакви конкретни податоци“, вели полицискиот командир Темо Аленбак за весникот „Содерхамнс-Курирен“.