Грчки медиуми: Заев и Ципрас телефонски разговараа

Грчките медиуми јавуваат дека разговорот меѓу премиерот на Македонија Зоран Заев и грчкиот премиер Алексис Ципрас, е веќе завршен, објави Алсат М.

Засега не е познато за што точно разговарале премиерите, но како што информираат грчките медиуми разговорот траел еден час.

Она што е познато е дека разговорот позитивно е оценет, но и дека следува уште еден телефонски разговор кој треба да се случи утре.

Прес конференција за новинарите за утре најави и лидерот на партијата Независни грци, Панос Каменос, кој се противи на решение коешто во себе ќе го содржи името – Македонија.