Снежна ноќ: Каде низ Макдонија вее снег во моментов

Сообраќајот на државните патишта се одвива по влажни коловози, во западните и југозападните делови од државата со остатоци од кашест снег на коловозот по интервенцијата на нашите дежурни служби.

Врнежи од снег се бележат во западните, југозападните и централните делови од државата.

Забраните за сообраќај на тешки товарни возила на патните правци крак Маврово – Дебар, Кичево – Охрид преку планинскиот превој Пресека, Гостивар – Кичево преку планинскиот превој Стража и Ресен – Охрид преку планинскиот превој Буково и Битола – Ресен преку планинскиот превој Ѓавато се уште се на сила.

Сообраќајот до Крушево и Демир Хисар е во прекин за сите видови возила.

Намалена видливост поради појава на магла до 100 метри има на планинскиот превој Стража.

На одредени патни правци кои поминуват низ клисури и усеци можна е појава на поситни одрони.

ЈП Македонијапат апелира на внимателно возење и прилагодување на брзината  спрема условите на патот.

 Дежурните екипи на ЈП МАКЕДОНИЈАПАТ  се постојано на терен и ги одржуваат сите патни правци проодни.