Сонце и ниски температури утрово - викендов нова промена во времето
Времето во Македонија ќе биде сончево со мала облачност и слаб северен ветер. Утрото студено со ниски утрински температури. Утринската температура ќе се движи од минус три до минус 10 степени, а дневната температура од нула до 11 степени.
Во Скопје ќе биде сончево со мала облачност и слаб северен ветер. Утринската температура ќе достигне до минус пет, а дневната температура ќе достигне до осум степени.
За викендот времето ќе биде стабилно и суво со ниски утрински температури. Дневните ќе бидат во пораст, што ќе предизвика топење на снежната покривка, особено во сабота. Во недела ќе има зголемување на облачноста, а преку ноќта ќе има повремени врнежи од дожд и снег. Во почетокот на наредната седмица се очекува извесно заладување со повремени врнежи претежно од снег.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа