Нимиц: Од историско значење средбата Заев-Ципрас

Позитивна, важна и од историско значење е средбата на Зоран Заев и Алексис Ципрас, изјави медијаторот Метју Нимиц во пресрет на неговата посета на Скопје и Атина.

- „Време да се интензивираат разговорите во врска со условите за еден конечен договор, со претпазливост на прашањата што беа истакнати од двајцата премиери. Согласно со нивната намера, доаѓам во Атина и Скопје на разговори, за да се придвижи процесот. Верувам дека сега постои една динамика за изнаоѓање решение“, вели Нимиц.