Над 270 лица избркани од работа во општина Прилеп
Со Одлука на новиот градоначалник на Прилеп, од 1-ви јануари им престана работниот однос на околу 270 административни и други работници кои во изминатиот период биле ангажирани со Договори на дело во: градинките, училиштата и администрацијата. Меѓу нив има и новинари, камермани, сниматели. Градоначалникот Илија Јованоски, како и од ОО на СДСМ, се правдаат дека за овој потег единствено биле виновни од претходната власт на чело со бившиот градоначалник.
Од ОК на ВМРО-ДПМНЕ, пак, сметаат дека станува збор за класичен реваншизам, особено и заради фактот што на местата од штотуку избрканите експресно брзо веќе се поставени нови лица, блиски до СДСМ. Тие, во соопштението до јавноста, потстетуваат на предизборните ветувања на актуелниот градоначалник и на неговата Партија дека ќе има живот за сите, но, како што велат, не само што немало живот, туку, луѓето масовно остануваат без работа, без леб и на улица.
Инаку, поголемиот дел од избрканите, кои се плашат да зборуваат пред камера, веќе се самоорганизираат за протести кои ги најавуваат за денививе.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа