Мигрант од Либија нападнал вработен од прифатниот центар во Визбегово
Пријавителот бил удрен со тупаница во пределот на главата.
Полицијата денес соопшти дека во текот на вчерашниот ден околу 11:00 часот 41- годишниот З.Ч, вработен во Прифатниот центар за азиланти во Визбегово, пријавил дека бил нападнат.
Тој пријавил дека истиот ден околу 10 часот и 30 минути во ходникот на административната зграда физички бил нападнат од страна на лице барател на азил, евидентиран како 35- годишен М.М од Либија.
Пријавителот бил удрен со тупаница во пределот на главата.
Причина за нападот било тоа што М.М. ја побарал јакната на З.Ч. и откако овој не му ја дал, физички го нападнал.
Се работи на целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа