Трактор се преврте во гостиварско: Повредено 11- годишно девојче
На локалниот пат што ги поврзува тетовските села Камењане и Јеловјане, вчера околу 13 часот и 30 минути, трактор „ИМТ“ без регистерски ознаки, што бил управуван од 59-годишниот А.И. од Камењане излетал од коловозот.
- 33- годишниот З.И и 11-годишно девојче од Камењане, кои седеле на импровизирана приколка од штици, паднале од тракторот и задобиле тешки телесни повреди - се вели во соопштението од МВР.
Со друго возило, двајцата биле пренесени во тетовската клиничка болница и по укажаната лекарска помош префрлени се на скопските клиники.
Девојчето со скршеница на десната рака, задржано е за натамошно лекување, додека З.И. е пуштен дома.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
